Niejs

Deep bedreuf vernome weej van ’t onverwachte haer gaon van ós ierelid en ózze vastelaovesvrind John Leenders. John waas vanaaf ’t begin van ós gezelschap mier as aktief betrokke beej de veurtgang van ós vereiniging. In 1982 ging hae De Vaegers veur in de Venlose vastelaovend as prins John II. In de jaore daonao bewees John 'n mier as bizondere Vaeger te zien, 'ne man wao op ós gezelschap in goje en zwaore tieje op kós bouwe. Genne Vaeger vervölde zoeë vuul verscheijene take en funksies as John. John waas ózze twiejde Vors Vaeger, jaorelangk joeksig lid van de Raod van Elf, ós besteurslid veur de Technische Kemmissie, penningmeister, drievende krach achter de Barkemmissie en jaorelange veurzitter. Veur al det werk woort hae in 2004 beneump wies ierelid van VG De Vaegers. Ouk naodet hae aafscheid had genome van zien offisjiële funksies bleef John 'n betrókke lid beej de vereiniging dae mit zienen eige humor kós relativere as det nuuedig waas. En op wae we nog altied koste raekene as d’r gewerk meus waere um de kas van De Vaegers te spekke. As ierelid waas John veur twieë waeke truuk nog aanwezig beej ’t intern veurstelle van ózze niejen hoeëgheid. Noow mótte weej de Vastelaovend in zonder um. Verdreetig, aevel ouk mit werme en dankbare geveules veur waat we allemaol mit John hebbe meuge meimake dinke we aan John. Weej winse Jeannette, Martijn en de femilie Leenders huul vuul sterkte mit dit groeëte verlees. VG De Vaegers 

DAO ISSE DAN! Op zaoterdaag 8 fibberwari is Nils I (Deenen) tiejes 'n knatsjoeksige Hudjesbal oetgerope as niejen hoeëgheid van V.G. De Vaegers! Hae wuurt beej gestaon door zien kwante adjudante Shiva (Peeters) en Tom (Huijs). In de Wazelaer van 2025 luues geej mier euver de achtergrond van dees dreej hiere. Vastelaovend same!

Vaegers neme intrek in Grenswerk Gruuets kinne weej aankondige det weej as V.G. De Vaegers definitief ós intrek gaon neme in Poppodium Grenswerk! Zoeëwal ’t Hudjesbal (08-02-2024) as de Groeëte Resepsie (23-02-2024) zulle dao al vanaaf ’t kómmend Vastelaovesseizoen gaon plaatsvinde. 't Bestuur van De Vaegers haet ’t vólste vertrouwen in ’n goje samenwerking mit ’t zier enthousiaste en professionele team van Grenswerk. Mit dezen euverstap zette weej (nao ’t sloete van De Golden Tijger en ierder de Venlonazaal) in op ’n stabiele oetgangspositie veur de jaore die veur ós ligge! Ein toekóms wao we as Vaegers gruuets op meuge zien.

DAO ISSE DAN!

Ouk dit jaor gaon we ouk weer culinair de Vastelaovend veurpreuve. En waal op zondaag 21 jannewari beej ós nieje rissiedensie De Gouden Tijger. ’n Keur aan koks zet óg ’n veurtreffelik 4-gange menu veur. Onderwiel kint geej genete van ’n joeksig Vastelaovesprogram, mit optraejes van onder mier W-Dreej en Golden Hiering. De opbrings van dezen aovend kump ouk nog ens terech beej ’t goje doel van dit jaor en dit is Stichting Sôkkertante . De drenkses van d’n aovend zien beej de pries inbegrepe. Bestel heej óg intreejbewies en geneet mit ós mei!

Aaftreje Dreejspan 

Op 'ne bomvolle Hudjesbal is op zaoterdaag 28 jannewari Martijn II (Leenders) oetgerope as de niejen Hoeëgheid van V.G. De Vaegers! Hae wuurt beej gestaon door adjudante Luc (Stikkelbroeck) en Josh (Titulaer). Op zondaag 12 fibberwari um 14.11 aor halde zeej groeëte resepsie in de Venlonazaal.

Heb geej 20 november al in de agenda staon? Weej trappe dan op joeksige wies in de Venlonazaal 't nieje Vastelaovesseizoen aaf mit toppers as Linke Mik, John Tana, Golden Hiering , Oét de Maot en mier! Zörg des se D'n Aaftrap! neet mis!!